Yashodarawatha - Shanika Madumali
<p><span style="color: rgb(19, 19, 19); font-family: Roboto, Arial, sans-serif; font-size: 14px; white-space-collapse: preserve;">උත්තරීතර පතිදමක ගුණ වරුණ තිළිණ කළ මාහැඟි ජන කාව්යය "යශෝදරාවත"
අධ්යාත්මික ව සාරා සංඛ්ය කල්ප ලක්ෂයක් පාරමී දම් පුරා කරන ලද මහා පරිත්යාගවල, පුහුණු කිරීම්වල, අත්දැකීම්වල මහා දැනුම් සම්භාරයක ප්රතිපලය පරම පූජනීය වූ සම්මා සම්බුද්ධත්වය යි.
උත්තරීතර බුද්ධත්වය ලබන උතුමකුට සංසාරය පුරාවට ඒ වෙනුවෙන් ධෛර්යය දෙමින් ළඟින් සිට අපමණ දුක සැප බෙදා ගනිමින් ස්ත්රියක සිටියේ නම්, ඒ එකම කාන්තා රත්නය යශෝදරාව යි. බුදුබව පතනා සිදුහත් බෝසතාණන් වහන්සේ දීපංකර බුදුරජාණන් වහන්සේගේ පාද මූලයෙහි නියත විවරණ ලබා ගත් දිනයේ සිට සංසාරය පුරා උප උපන් හැම ආත්මයක දී ම ඒ උතුම් කාර්යභාරය සඳහා ම කැප වූ එකම කාන්තා රත්නය යි. පාරමී දම් පුරණ උතුමන් වෙනුවෙන් සහකාරිය වන්නට සසර පුරා කැප වන්නට යශෝදරාවෝ පාරමී පුරා තිබෙන ආකාරය ජාතක කතා තුළින් පැහැදිලි වේ. මෙම පද්යාවලියේ කතෲ අඥාත උවත් එම පද්යවලියේ යශෝදරා දේවියගේ චරිතයේ වැදගත් අවස්ථා ඒකරාශී කොට ධර්ම ගෞරවය ගොඩනැඟෙන පරිදි සංවේදී බව ආරක්ෂා කර ගනිමින් රචනා කර ඇත. එමෙන්ම මෙම පද්යාවලිය පති භක්තියෙහි ඇති වටිනාකම සමස්ත කාන්තා පරපුරටම ආදර්ශවත් බවක් එක් කරයි.
ආලය යනු පරිත්යාගයයි
- බිම්බා දේවී හෙවත් යශෝධරා -
උපුටාගැනීම | හේමමාලා රන්දුනු
පද්ය |
මුව ජාතියේ වද පළමුව උපන්නේ
එම ජාතියේ සිට නෑරම මම එන්නේ
කොයි ජාතියේ උපනත් මෙහෙසුන් වන්නේ.
මේ ජාතියේ ඇයි මා තනිකර යන්නේ
කාරණාව බුදු වෙනවා ලකුණු දැනේ
නෑර කැටුව ආවා මම සරණ ගෙනේ
භාවනාව තොර නොකරමි සිතින් අනේ
මාලිගාව අද අඳුරුයි ස්වාමිනේ
හිමයේ ගොසින් මල් යහනක සිටිනවාද
කොමළ අනගි සිරිපා දෙක රිදෙනවද
හිගේ නැතිව දෙවියෝ මුර කරනවද
මගේ ඇත් රජුනි ඔබ අද කොතැනකද
සුවඳ බොජුන් වැළඳු මගෙ හිමි සඳට
නිබඳ බොජුන් රස කර දුනි වළඳන්ට
සුවඳ ඵලාඵල වැවියන් හිමි සඳට
සුවඳ මල් නිතර පිපියන් හිමියන්ට
කැලේ තිබෙන කොයි දේවත් රස වේවා
මලේ බඹරු මෙන් පිරිවර ඇති වේවා
අව්වේ තිබෙන රැස් මාලා අඩු වේවා
ගව්වෙන් ගව්ව දිව මාලිග සෑදේවා
- යශෝදරාවත -
යශෝදරාවත පද්යාවලියෙන් කොටසක් ඉතා ගෞරවයෙන් නිර්මාණය කර ඔබ වෙත තිලින කරමි. </span><br></p>